【BIO】掌握Bio背書之道，其實好易背

好多人話 Bio好多野背，所以唔修呢科，修左個又放棄。其實背書有道的話，絕對係最易背的科目之一。等我解釋下點解。

By：Yuen Lung

1        多野背唔代表樣樣都要背

容許我以Chem和Bio做比較。事實上，我覺得Chem的資訊量較Bio少，卻較難背誦。這是因為資訊與資訊之間很多時沒有邏輯關係。舉個例子，唔同Metal ions扔落NaOH(aq) 或NH3(aq) 會有唔同反應，但每個反應之間沒有關係，只能獨立地死記。又例如唔同Metal ions係咩顏色，只能死記，不能推論(除非你熟知背後的原理，不過這又牽涉另一個更複雜的物理概念)。相反，Bio像一個故事，資訊和資訊之間很多時有關聯，因此就算唔記得資訊B，只要記得資訊A，都可能可以推斷出資訊B。以下為例子：

相信大家讀Bio第一個難關係Ch.6 Digestion個D，又要背alimentary canal又要背enzymes又要知pH (約數即可，只求認得不求背到)。其實唔難。例如要知Saliva中的amylase在酸性還是鹼性環境中function得最好? 你D口水會唔會酸會唔會苦？所以amylase的optimum pH理應接近中性，即7(事實上略鹼，不過通常出在MC，能輕易辨認)。故事未完啊。所以starch 在stomach裏不能被amylase消化。點解？因為胃酸會denature 在接近中性環境先work 的amylase。未完啊，remaining polysaccharides無被消化，點被吸收？所以pancreatic juice 同intestinal juice 都有carbohydrases，確保polysaccharides被消化至monosaccharides。

哎呀，我唔知pancreatic juice係邊度黎wo? 啊，既然係胃之後先繼續消化d polysaccharides，即係duodenum...如此類推。題目畫幅圖比你show 到唔同物質經過alimentary canal的消化程度，你咪可以輕鬆破解囉。

1        資訊量非關鍵，建立邏輯方重要

因此，雖然BIO要求你背野，但勝在資訊之間能建立完善的網絡，以邏輯記好的知識不易忘記。再舉個例子。Ch.9 Leaf structure 看似囉你命，其實又係考邏輯。Palisade Mesophyll 同Spongy Mesophyll，既然叫得做Spongy，即係好似海綿gum有spacing，唔會密，gum咪分到邊層cells打邊層cells。故事未完，點解通常塊葉上層係plisade mesophyll？你會想像：上層有多d cells有咩好處？上層接收陽光...即Chloroplast density高D可吸收More sunlight for Photosynthesis...（不要死記何者在上何者在下，題目調轉塊葉咪死得)。

我相信有人睇到呢度會講Churrrr，到頭來咪又係要溫曬N gum多樣嘢。我想講多唔係一個問題，容唔容易在資訊和資訊之間建立邏輯，甚至圖像和聲音，先係關鍵。呢種邏輯唔單止幫你記，其實絕對有助答題。考試唔會只要你背出資訊，還要你分析背後的原因，影響等。

當然，要達到呢種境界，係要D時間的。還要很多因素，例如答題技巧，教師質素等，皆會大大影響你對BIO的理解。如果你將近考試，黎唔切重新整理知識，拆解每一個資訊的邏輯，其實你需要尋求外界協助。問老師又好，找補習又好，找資源又好，只要離DSE還有起碼四個月，其實還有救。下次講下繼掌握基本知識之後最重要的元素- 答題技巧。