【中文作文】什麼文筆能贏取考評局的心? 其實大家都做得

先旨聲明，以下文章並不適用於本身寫文已經唔錯，或者有文學根基既同學。

卷二寫作類

記敘文

說理文

文筆

考試求分數，考作文自然都係求分數。如果自問文學基礎唔算太好既同學，千祈唔好邯鄲學步，盲目去學所謂既「名家文學」既文筆。因為用得唔好，隨時會令你篇文無人睇得明，弄巧反拙！其實，只要認清考評局想要D咩文筆，要響作文卷表達一項拎到高分，其實唔難。我地不妨睇睇以下既例子：

佳句1：       即使我的眼睛被蒙著了，但我也能看透他們的心，是黑色的，是那堅固又沉實的黑色，還飄著那陣噁心的腐臭味。

佳句2：       「呆盲子」這句話頓時把我推到黑洞，我在這伸手不見五指的地方，再也無法站得起來。那份不安已追上了我，把我的軀體完全侵蝕。我想大叫，歇斯底里的吶喊，看不見的人也應受到基本的尊重！

以上兩句都係響2013 DSE考評局官方考生示例節錄出黎既，相信唔少同學都有睇過呢篇文章。而呢兩句更加係當年評卷主席認為優秀既文句。由此我地可以知道，考評局對「佳句」有以下幾項要求：

  1       善用比喻

所謂既「佳句」，其實唔洗太多不同類型既修辭技巧，善用比喻等考官清晰可見就可以。

  2       多感官描寫

運用比喻後，若果能夠針對喻體作多感官描寫(如視覺、嗅覺、聽覺等)，就能夠拎到唔錯既分數。

  3       所有修辭部份都要淺白易明

千祈唔好「懶高深」，將d野寫到好隱悔。反而應該直接D、誇張D，因為我唔係寫緊文學作品，而係寫緊考試文章。

  4       所有修辭部份要對題，與題目無關的景色描寫唔好寫

呢個係考評局歷年來評卷既準則。若果你寫既句子同主題無關，即使文句幾優美，都只會當冗文看待。

▲TOP

 Source: https://www.instagram.com/p/BLvUm5Nh-AD/?taken-by=chinese.exam.skills