6 個提高你學習效率嘅apps

大家有冇試過溫溫下書無端端攞起個電話睇，睇睇下，就發覺自己又浪費咗一個鐘？ 又有冇試過準備訓嘅時候，先醒起溫漏咗嘢？今次介紹3個apps，幫你解決以上問題！！

作者：  Cyrus

1     Forest

其實有搵過下溫書app嘅話，都會知道Forest。如果你係會set一個特定時限俾自己溫書嘅話，呢個app對你嚟講就好有用啦！你可以係個app到較一個時限(例如：25mins)，然後按開始，佢就會開始「種樹」，棵「樹」會係時限結束時種完。

「種樹」期間你唔可以離開個app，如果唔係，棵樹就會枯萎。所有種好同枯萎嘅樹都會記錄係果日嘅「田」到。呢個app對於完美主義者嚟講應該會十分有效。不過唔方便嘅係時限期間連上網查字典都唔可以，而且得google play store先係免費，用app store嘅話就要俾少少錢啦！

1     Tide

如果你唔鍾意連字典都查唔到嘅話，Tide係另一個唔錯嘅選擇。呢個app有幾首唔同嘅純音樂，其中有一首叫白嘈音，聽住做嘢能夠令你更加專心。另外，佢都可以俾你set特定時限，而期間你係可以離開個app。

我最鍾意呢個app嘅地方係佢可以set埋休息時間。例如我set咗25分鐘溫習時間同5分鐘休息時間，佢就會播25分鐘音樂。25分鐘後，佢會暫停音樂，提醒你到咗休息時間。5分鐘過後，佢會自動播返音樂，開始下一個25分鐘嘅溫習時間。

用呢個app可以等你知道特定時間後可以休息，減低你溫溫下書走去睇ig嘅意欲，都限制咗你休息嘅時間，等你唔會一休就休咗成個鐘。

1     Todait

呢個app比較似一個to do list，但係你唔需要每日都輸入你嘅目標。一開始輸入目標時，你可以set埋期限（例如：20/11/2017-4/12/2017）、逢星期幾、實際溫習頁數/時間等，仲可以較埋幾多點出notification提醒你溫書，等你唔會溫漏嘢。

你開始溫書嘅時候，可以係個app到選擇返你輸入咗嘅目標，按開始，記錄埋你溫咗幾耐書。其實除咗溫書，仲可以培養其他習慣，例如：做運動、寫日記等，對於日常生活都係一個唔錯嘅app。

1     Prologue 網上補習

提供超過1,000多個專為香港中學文憑考試（中四至中六）和初中核心科目（中一至中三）而設的補習課堂，內容涵蓋DSE中文、英文、數學、文言文、英文文法及初中數學等多個科目，每日讓同學隨時查看，而且課堂每日更新，溫書必備！

1     執筆忘字

大家有沒有試過想寫一個字，但抓破頭皮也想不起起？這個App幫到手，用戶只要輸入詞語或成語的其中一部份，程式便會顯示相關的詞語及成語出來。程式收錄超過四萬個常用詞語及成語，而且不需連線便可查字，就算身處網絡質素差的地區依然用得到。

1     專心

類似 Forest， 很多學生哥玩手機成癮，《專心》可助大家暫時遠離手機，專心學習。它利用番茄工作法原理，若果用戶在25分鐘內不碰手機，果實便會拙壯成長；相反若突然離開程式，幼芽便會枯萎。通過多人模式，同學們可互相督促，提高學習效率。

其實筆者用過唔少溫習 apps，以上 3 個係暫時搵到最好用嘅。如果以後搵到其他有用嘅apps，都會再分享俾大家。希望大家會覺得呢篇文有用啦！

________________________________________________________________
藍色 1  為 DSE00 補充內容
source: http://hk.on.cc/hk/bkn/cnt/lifestyle/20170324/bkn-20170324130629156-0324_00982_001.html