Tips
【中文】5 位中文勁人 温書心得及應試技巧
人1
閱讀 我自己係睇哂陶傑既書培養語感
當然包其他書
做完之後分析marking
熟習修辭手法/描寫手法
開放題跟大路思維
比較題要先 講a既好 b既唔好 再elaborate
文言文 熟讀簡單grammar 例如咩係使動/意動 同簡單人稱代詞 同平時得閒睇少少練速度e.g. 古文觀止 仲有簡單文化concept (其實最快係補某習， 我補左一堂intensive 後改善不少) 其實文言文好簡單
作文 用心作 唔好亂抛深字 通順為主
練熟至少兩種題型
睇晒大陸高考1979年至今既範文學野
睇下人地讀文學個d人d文
說話 夠虛偽
自信 同 反應
最好做leader
善用首輪發言
聆聽 操pp mark低自己錯乜
我記得唔知08定09年有次佢問條友出書次序
要頭腦清晰 jot 低d 要點先
遲d再答 乜都jot低就最穩陣
所以今年$18 /$30個題玩唔殘你
綜合 操 唔好一味字快 要代入自己條友個立場去諗 得字快冇用 要準 (我ls paper2 字體中等大細可以寫到7.5~8 pages)
用下四字詞語
自己set套自謙對白 癈事同人重覆
人2
我都唔知我個方法有冇用
閱讀 做左十年ce同al既卷
唔計時 務求做哂成份
對答案錯左要知喺邊搵番正確答案
同埋要諗點解自己個答案係錯
可能你會覺得篇篇閱讀理解都唔同
但係做多左係真係會慢慢get到eaa想要咩答案
文言文係逐隻字背有邊幾個意思同用法
作文 真係靠睇多d 嗰時成日睇散文集
同最緊要不停提自己唔好離題
說話 我就唔講喇 3 左
綜合同聆聽 都係聽到幾多都寫低哂
見解論證好大程度上係自己作/諗出黎
好多時都係背後既原因、潛在既好處同預期效果之類
人3
閱讀 要真係一下子理解篇文再推敲答案係好難，但可以做既首先做左ce卷，
明白左佢中意點問先，因為程度較淺，所以會快啲掌握。
當你開始發現自己捉到路，例如做題目易搵到個情，就可以開始搞下啲長題目，
因為多數都考哂你理唔理解篇文講咩，我自己做卷就中意將自己代入文章裡面。
例如13dse，點解唔同意第一日而同意最後一日，你代入左媽媽角色就明，
因為第一日永遠唔夠最後一日咁想再去錫自己小朋友。
記得唔好驚錯，錯咪睇 marking諗返自己點解寫唔到，唔好驚錯就唔做。
寫作 成日話最易升係呢份，其實講岩一半。
扣題就基本保合格，但想拎高分唔係容易。
其實文真係唔使狂作，因為你作完都唔知有咩做得唔好就作下篇，
變相係哂時間。不如作完比你啲朋友睇下，睇下佢地覺得點（當然你啲朋友唔好 hea你 ）
我自己每次寫完文，都會對返題目，啲字眼有冇扣到，有就剔一剔。
當然仲要睇多次自己寫咩，有冇錯字？懶筆？病句？
當然，真係唔好再寫去做義工之後好大感悟，除非你個過程好特別啦，
唔係你諗下，當一個老師改廿份都係呢啲情節，佢仲有冇想睇既意欲？
人4
閱讀 認真 睇書(經典)好重要 一黎培養語感 二黎學道理, 了解世界/感受性加強 三黎學文筆 可以睇村上春樹果d
寫作 keep住寫日記
入面要有感情，唔係我今日食左飯果d，係開唔開心，會越寫文筆越通順，越好
我專寫敍事抒情文 臨考前記下佳句/一路睇書一路mark底 例如d修辭(參考下2013第一題9x分果個) 通常評卷果個都幾鐘意
同埋件事特別就5以上 如果文筆通暢 有下四字詞，修辭
最尾要有信息出到
說話 要練講野有論點, 論據, 論証
要介題, 同最好設前設/準則<--真係好重要 分分鐘因為咁可以講贏對方, 係ls都好重要
人地都可能跟你準則行, 到時就做到leader
每次講完野都要小總結 去番自己個論點到
宜家有 1min首輪發言, 記得 係預備時間留 2mins比自己試講 組織
到時真正講就會好有自信 一d都唔甩卡 唔會騰雞 印象好好多 有說服力好多
人5
寫作 冇錯 作文評卷要求係唔同 大家要識融匯貫通 唔好囫圇吞棗
我係學習佢地既議論說明手法 同例子
要逐步分析佢地思維 論點>論據>論證
基本上我睇左8、9成
當中我發現高考某d題目eaa係照搬再改少少加返自己特色
例如 :
1. 太陽也有黑子 (今年第3題)
「當然，我們強調要看到事物光明的一面，並不是要人們對黑暗面視而不見。我們要勇於面對黑暗，正視黑暗，用科學的思想方法去分析它。這樣，事物黑暗的側面就會成為激勵我們奮勇前進的巨大力量。」
2. 我於咖啡中看見 (檸檬茶)
「自出生以來，猶如這一壺白開水，單純無味。漸漸地，沖泡於這咖啡色的粉末中變得有滋有味，在慢慢地品嘗中，我們學習生活。而一路走到今天，我們都不容易。」
3. 己之所欲,請施於人 (己所不欲,勿施於人)
呢題冇特別 只係題目相似
當然唔係叫大家貼題 作文都係自己慢慢鑽研開心d
要鐘意中文 咁就自然有進步
記住要自然 唔好學梁同學咁造作
特別推介呢篇：
站在老屋的門口
大家睇下佢個評語:
「作者立足於“老屋”門口，追溯往事，回憶與“老屋”相關的人和事，以時間為序，用疏淡的寫意筆法，再現了爺爺門前抽煙、奶奶倚門靜思默想、爸爸堅守老屋以及我佇立門口感嘆歲月的典型場景。畫面雖為平常人事、瑣碎家常，但尋常中顯奇崛、疏淡中見真情。這裡既有物是人非、歲月滄桑的沉重感嘆，也有血脈相承、追宗懷遠的幽邃情思，可謂情景交融。」
一間屋都可以冩到咁多嘢 ...唔怪得滿分
而且好自然 有種淡淡既真摯情感
Post a Comment
0 Comments